Skip to main content
BETA

Rydych chi’n edrych ar fersiwn newydd o wefan Gyrfa Cymru. Am y wefan newydd.

Sut i ddewis y pwnc neu gwrs cywir

Mae dewis pynciau a chyrsiau’n benderfyniad sy’n gallu effeithio ar eich gyrfa yn y dyfodol.

Efallai eich bod chi’n dewis pynciau yn yr ysgol neu’n meddwl am gyrsiau coleg a phrifysgol. Efallai eich bod chi’n ystyried dysgu er mwyn cyrraedd cam nesaf eich gyrfa neu i ddatblygu eich sgiliau. 

Gall dewis y pynciau a’r cyrsiau iawn eich helpu i ddechrau gyrfa neu i gadw pob drws yn agored os nad ydych chi’n siŵr.

Cwestiynau pwysig i’w gofyn:

1. Pa bynciau ydwi i yn eu mwynahu?

Meddyliwch am y pynciau rydych yn eu mwynhau orau. Rydych yn fwy tebygol o gael graddau gwell yn y pynciau rydych chi'n eu mwynhau. Meddyliwch am y graddau rydych yn eu cael fel arfer yn eich pynciau a siaradwch gyda eich athrawon a thiwtoriaid i weld beth rydych yn anelu i'w gael. 

2. Sut rwy'n hoffi dysgu?

Rydym i gyd yn dysgu mewn ffyrdd gwahanol. A wyddoch chi bod 3 arddull dysgu: 

  1. Gweledol (dysgu orau trwy weld pethau)

  2. Clywedo l(dysgu orau trwy glywed pethau)

  3. Cinesthetig/ymarferol (dysgu orau trwy wneud pethau)

Efallai i chi ddysgu orau drwy gyfuniad o ffyrdd. Dewch i wybod sut yr ydych yn dysgu orau wrth gwblhau holiadur Vark. (dolen Saesneg). Gall wybod sut yr ydych yn dysgu eich helpu i ddewis y bwnc neu gwrs cywir:

  • A oes well gennych wrando, siarad ac ysgrifennu? Yna efallai mai Addysg Uwch fyddai'n eich siwtio .
  • Neu, ydych chi'n mwynau defnyddio eich dwylo a dysgu drwy wneud? Yna efallai mai cwrs galwedigaethol neu Brentisiaeth fyddai orau i chi.
     

3. Pa bwnc ar gyfer pa yrfa?

Ffaith: Gall y pwnc neu gwrs yr ydych yn ei ddewis effeithio ar eich opsiynau gyrfa.

Felly, mae'n bwysig gwybod pa bwnc, cwrs, lefel cymhwyster a graddau sydd ei angen ar gyfer gwahanol swyddi. A wyddoch chi?

  • Mae rhai gyrfaoedd yn gofyn i chi gael cymhwyster arbenigol a phynciau a graddau penodol er mwyn cael mynediad ar gyrsiau er enghraifft Nyrsio a Deintyddiaeth.
  • Mae sawl gyrfa a chyrsiau lefel uwch yn gofyn i chi gael pynciau a graddau penodol. 

Ydw i angen Saesneg/Cymraeg, Mathemateg a Gwyddoniaeth? Dyma'r pynciau sydd ei angen fwyaf ar mewn gyrfaoedd, cyrsiau a gan gyflogwyr. Mae mwy a mwy o swyddi, prentisiaethau a chyrsiau yn gofyn am radd C neu hyd yn oed B yn y pynciau hyn. Er enghraifft, i hyfforddi fel Athro yng Nghymru, mae angen TGAU gradd B mewn Mathemateg a Saesneg.

Dewch o hyd i'r cyrsiau neu bynciau sy'n arwain at gyrfa eich dyfodol. Edrychwch ar: 
 

5. Pa bynciau fydd eu hangen ar gyfer swyddi y dyfodol?

Mae'r byd gwaith yn newid o hyd, gyda swyddi newydd yn cael eu creu drwy'r amser.

Edrychwch ar Tueddiadau Swyddi Dyfodol Byd Gwaith yng Nghymru i wybod mwy am ddiwydiannau gwahanol yng Nghymru a pha swyddi bydd galw amdanynt yn y dyfodol. 


Y 6 cam cyntaf i’w cymryd:

Cael gwybodaeth

Casglwch gymaint o wybodaeth â phosibl am y pwnc neu’r cwrs.

  • Gwybod pa gyrsiau y gallwch eu hastudio mewn colegau a darparwyr hyfforddiant gerllaw gan ddefnyddio Prospectws Ardal Gyffredin
  • Mynd i ddiwrnodau agored neu ymchwilio gwefan yr ysgol, coleg neu brifysgol
  • Edrych ar gynnwys y cwrs. Beth fyddwch yn ei ddysgu a sut?
  • Gofyn i diwtoriaid ac athrawon. Gofyn i fyfyrwyr eraill
  • Gwnewch restr fer

Edrychwch ar Dolenni Pynciau i gael gwybodaeth am bynciau a’r gyrfaoedd y gallan nhw arwain atyn nhw. 

Gofynion mynediad

Bydd rhai swyddi yn gofyn am bynciau a chymwysterau penodol felly bydd angen i chi fod yn ymwybodol o beth fydd angen ei astudio os oes syniad gyrfa gennych mewn golwg. Edrychwch ar Chwiliad Gyrfa i weld pa bynciau, cymwysterau neu raddau sydd eu hangen arnoch chi.

Edrychwch ar wybodaeth yn ein Taflenni Gwybodaeth am Swyddi er mwyn gweld y pynciau a chymwysterau sydd ei angen ar gyfer wahanol swyddi. 

Meddwl am syniadau gyrfa

A oes gennych syniad gyrfa mewn gowlg? Edrychwch mewn i'r pynciau a'r graddau sydd ei angen ar Gwybodaeth am Swyddi. Ymchwilio Tueddiadau Swyddi i gael gwybod am y gwahanol ddiwydiannau yng Nghymru a pha swyddi y bydd galw amdanyn nhw

Ansicr o'r syniadau gyrfa? Rhowch gynnig ar ein Cwis Paru Swyddi am syniadau am yrfaoedd ac i weld ble y gall pynciau arwain.

Cyllido eich cwrs

Unwaith i chi adael yr ysgol nid yw dysgu bob tro.

Edrychwch ar Cyllido eich astudiaethau i weld pa gyllid a chefnogaeth sydd ar gael. 

Diweddarwch eich hun gyda'r benthyciadau a'r grantiau sydd ar gael ar Cyllid Myfyrwyr Cymru.

Gwneud rhestr o’r manteision a’r anfanteision

Y ffordd hawsaf o ddod i benderfyniad yw ysgrifennu rhestr o fanteision ac anfanteision pob opsiwn. Meddyliwch am:

  • Bethau positif pob opsiwn 
  • Pethau negyddol pob opsiwn
  • At beth y gallai pob opsiwn arwain

Ystyriwch eich rhestr a meddwl pa mor bwysig yw pob pwynt i chi. Erbyn y diwedd bydd gennych chi well syniad o beth sy’n bwysig i chi a pha opsiwn yw’r gorau.

Trafod

Siarad â theulu, ffrindiau, tiwtoriaid ac athrawon am eich dewisiadau. Gall trafod eich helpu chi benderfynu. Byddent yn gallu rhoi safbwynt gwahanol i chi a chynnig syniadau efallai nad ydych wedi meddwl amdanynt.

Cysylltwch hefo Gyrfa Cymru i drafod eich syniadau gyda chynghorydd gyrfa.

Beth yw eich cam nesaf?


Dod o hyd i gwrs