Skip to main content
BETA

Rydych chi’n edrych ar fersiwn newydd o wefan Gyrfa Cymru. Am y wefan newydd.

Creu CV

Mae CV yn gyfle i chi greu argraff ar gyflogwr. Mae’n hysbysebu eich sgiliau a’ch profiad. Sicrhewch fod eich CV o'r safon orau bosibl.

Beth i'w gynnwys yn eich CV:

Proffil Personol

Mae angen i’ch Proffil Personol fod tua 4 neu 5 llinell am eich prif gryfderau a sgiliau.

Awgrymiadau i’ch helpu i gychwyn arni – rhai o’r cryfderau mae cyflogwyr yn edrych amdanynt:

  • Gwaith tîm
  • Y gallu i weithio ar eich pen eich hun
  • Sgiliau trefnu
  • Brwdfrydedd
  • Dibynadwyedd
  • Cadw amser a phrydlondeb
  • Rhywun y gellir ymddiried ynddo
  • Y gallu i ddilyn cyfarwyddiadau
  • Gweithio’n dda o dan bwysau
  • Cymhelliant

Darllenwch y disgrifiad swydd a'n Taflenni Gwybodaeth am Swyddi i ganfod pa gryfderau a sgiliau i'w cynnwys. 
 

Cyflogaeth

Dylech gynnwys:

  • Eich teitl swydd
  • Enw’r cwmni a’r lleoliad gwaith (nid y cyfeiriad llawn)
  • Dyddiadau dechrau a gorffen eich cyflogaeth
  • Rhestr ar ffurf pwyntiau bwled o’r tasgau a gyflawnwyd bob dydd
  • Unrhyw gyfrifoldebau ychwanegol
  • Cyflawniadau neu lwyddiannau a gawsoch yn y swydd
  • Unrhyw wobrau a gawsoch
Addysg a Chymwysterau
  • Dechreuwch gyda’ch cymhwyster diweddaraf a/neu’r lefel uchaf o gymhwyster
  • Nodwch y cymwysterau mwyaf perthnasol i’r swydd
  • Nodwch y cymhwyster, y flwyddyn y’i cyflawnwyd, ac enw’r darparwr
Hyfforddiant

Dylech gynnwys unrhyw hyfforddiant perthnasol megis:

  • Cyrsiau byr fel Hylendid Bwyd neu Iechyd a Diogelwch
  • Trwyddedau neu dystysgrifau
  • Hyfforddiant yn y swydd
  • Dysgu yn y cartref neu ar-lein
  • Dosbarthiadau nos
Gwirfoddoli a Phrofiad Gwaith

Gall gwaith gwirfoddol neu brofiad gwaith di-dâl ychwanegu gwerth at eich CV. Maent yn dangos i gyflogwyr y sgiliau a’r profiad ychwanegol rydych wedi’u hennill.

Dylech gynnwys:

  • Enw’r elusen neu’r cyflogwr
  • Dyddiadau dechrau a gorffen
  • Rhestr ar ffurf pwyntiau bwled o’r tasgau a gyflawnwyd bob dydd

Am ragor o wybodaeth edrychwch ar ein tudalennau Gwirfoddoli a Phrofiad Gwaith.

Geirdaon

Nodwch y geiriau: Mae geirdaon ar gael ar gais.

Fel arfer bydd angen i chi ddarparu o leiaf 2 eirda. Peidiwch a nodi manylion eich geirdaon yn y CV, dim ond eu cael yn barod. 

Gofynnwch i’r bobl yr hoffech eu defnyddio fel canolwyr a ydynt yn fodlon rhoi geirda i chi.

Gallai canolwyr posibl gynnwys:

  • Cyflogwr – cyn-gyflogwr neu un presennol
  • Athro/Athrawes, tiwtor neu ddarlithydd
  • Gweithiwr ieuenctid
  • Elusen lle rydych wedi gwirfoddoli
  • Rhywun y gwyddoch y gallant roi geirda i chi (nid perthynas)
Gwybodaeth Ychwanegol

Defnyddiwch yr adran hon i ychwanegu unrhyw wybodaeth berthnasol arall yn cynnwys:

  • Chwaraeon yr ydych yn eu gwneud neu’n eu cefnogi
  • Gweithgareddau cymunedol rydych yn ymwneud â hwy
  • Diddordebau a hobïau
  • Cyflawniadau a gwobrau
  • Aelodaeth o sefydliadau proffesiynol
  • Trwydded yrru

Cadwch yr adran hon yn fyr ac yn berthnasol i’r swydd rydych yn gwneud cais amdani.


Esiampl CV:

CV - Esiampl hanes gwaith

Mae’r CV yma’n rhoi sylw i hanes cyflogaeth a sgiliau, gan gychwyn gyda’r swydd ddiweddaraf.

CV-Esiampl swydd gyntaf

Mae’r CV yma’n rhoi sylw i sgiliau, cryfderau a nodweddion personol.

CV– Esiampl newid gyrfa neu dechnegol

Mae'r CV hwn yn ddefnyddiol wrth bwysleisio sgiliau a chyflawniadau sy'n berthnasol i'r swydd.